مقصودو رند (ن م) سنڌ جي قومي ورثي ڪارونجھر جي نيلامي خلاف سنڌي ادبي سنگت شاخ مقصودو رند پاران سيڪريٽري امجد عاجز منگي جي اڳواڻيءَ ۾ پريس ڪلب آڏو احتجاجي مظاهرو ڪيو ويو. ان موقعي تي اڳواڻن امجد عاجز منگي، گلزار علي لاشاري، ڪاشف شاد منگي، اياز علي خاصخيلي، محمد امين سومرو، جانب خاصخيلي ۽ ٻين چيو ته ڪارونجھر سنڌ جو قومي ورثو آهي. ڪارونجھر جي نيلامي ڪنهن به صورت ۾ منظور ناهي. ڪارونجھر صرف جبل يا پهاڙ ناهي پر سنڌ جي صدين جي تاريخ جو ثبوت آهي. احتجاجي مظاهري ۾ ڪارونجهر جي نيلامي نامنظور جا نعرا هنيا ويا.7
