تازيون خبرون
مکيه صفحو / قومي خبرون / اسان کي پنهنجا ادارا مضبوط ڪرڻا آهن ۽ ادارن کي مضبوط بڻائڻ ۾ وقت لڳندو آهي: مراد علي شاهه

اسان کي پنهنجا ادارا مضبوط ڪرڻا آهن ۽ ادارن کي مضبوط بڻائڻ ۾ وقت لڳندو آهي: مراد علي شاهه

مٺي(رپورٽ: اياز ڪنڀار) سنڌ جو وڏو وزير سيد مراد علي شاهه ڏڪاري صورتحال ۽ ٿر ڪول جي جائزي لاءِ ٿر پهتو. ٿر ڪول ايريا جو دورو اينگرو ڪمپني جي عملدارن کي پروجيڪٽ متعلق بريفنگ ورتي، اسلام ڪوٽ ۽ سول اسپتال مٺي جو دورو پڻ ڪيو جنهن بعد مٺي سول اسپتال ۾ ميڊيا سان ڳالهائيندي سنڌ جي وڏي وزير سيد مراد علي شاهه چيو ته ٿر تيزي سان ترقي ڪري رهيو آهي ۽ ٿر جا ماڻهو به خوشحال ٿي رهيا آهن. مٺي جي اسپتال ۾ ٻين ضلعن جا مريض ۽ ٻار اچي علاج ڪرائين ٿا ان جو مطلب ته مٺي سول اسپتال ۾ صحت جون سهولتون ٻين ضلعن جي اسپتالن کان بهتر آهن. هڪ سوال جي جواب ۾ وڏي وزير چيو ته سنڌ حڪومت ٿر ڪول منصوبي کي وقت سر مڪمل ڪرڻ واري ڳالهه تي قائم آهي ۽ سنڌ حڪومت ۽ اينگرو ڪمپني جي معاهدي تحت ئي پروجيڪٽ کي وقت سر مڪمل ڪيو ويندو. هن وڌيڪ چيو ته ڪنهن به ماڻهو اعتبار نه پئي ڪيو ته ڪو ٿر ۾ ڪوئلو آهي ۽ اهو پڻ چيو ويو ته سنڌ حڪومت اهو پروجيڪٽ پورو نه ڪري سگهندي پر اڄ سنڌ حڪومت ۽ پي پي پي جي اعليٰ قيادت جي ڪوششن سان ٿر جو ڪوئلو نڪرندي نظر اچي رهيو آهي. هڪ سوال جي جواب ۾ وڏي وزير چيو ته نيشنل انسٽيٽيوٽ آف چائلڊ هيلٿ ڪيئر ڪراچي جي ڊاڪٽرن جي اچڻ سان ٻارن جي وارڊ ۾ بهتري آئي آهي ۽ هاڻي ٻارن کي صحت بابت بهتر سهولتن جي فراهمي ۾ وڌيڪ مدد ملي سگهندي انهي کان علاوه هاڻي سنڌ حڪومت ڳورهاري عورتن ۾ غذا جي کوٽ کي ختم ڪرڻ لاءِ عملي اپاءُ وٺندي راشن بيگ ۽ غذائيت جا پروگرام شروع ڪيا آهن. هڪ سوال جي جواب ۾ هن چيو ته ٿرڪول جي رائلٽي ٿرجي عوام جي بهتري  تي ئي خرچ ڪئي ويندي ڇاڪاڻ ته ٿر ڪول منصوبي تي سڀ کان وڌيڪ حق ٿر جي ماڻهن جو آهي. ٿر ۾ ڏڪار صورتحال ۽ مال ۾ چارو ورهائڻ واري سوال جي جواب ۾ وڏي وزير چيو ته سنڌ حڪومت پاران  ٿر فائوُنڊيشن کي 5 ڪروڙ روپيا فراهم ڪيا ويا آهن جنهن سان  20 هزار مالوندن ۾ مال جو چارو مفت ورهائڻ جو پروگرام مرحلي ۾ آهي.سنڌ جي وڏي وزير چيو ته اسان کي پنهجا ادارا مظبوط ڪرڻا آهن ۽ ادارن کي مضبوط بڻائڻ ۾ وقت لڳندوآهي.1

ھي به ڏسو

امام انقلاب شهيد سورهيه بادشاهه جو يوم شهادت اڄ عقيدت ۽ احترام سان ملهايو پيو وڃي

حيدرآباد(رپورٽ: اسد ڏاهري )بر صغير جي آزادي لاءِ هلايل سڀني تحريڪن ۾ اهم ڪردار ادا …

احتساب غيرجانبدار ٿيڻ گهرجي پر افسوس اسان کي ٽارگيٽ ڪيو پيو وڃي: وڏو وزير

مٺي/عمرڪوٽ(نمائندن وٽان) ٿرپارڪر مان ملڪي روشنائي جو خواب ساڀيان، ٿر ڪول بلاڪ ٻه مان 330 …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے