اسلام آباد (بيورو/ اين اين آءِ) نگران وزيراعظم انورالحق ڪاڪڙ جي صدارت ۾ ايس آئي ايف سي جي اپيڪس ڪميٽي جو اجلاس وزيراعظم هائوس اسلام آباد ۾ ٿيو. اجلاس ۾ آرمي چيف جنرل سيد عاصم منير، وڏا وزير، وفاقي وزير عسڪري قيادت ۽ ٻيا شريڪ ٿيا ذريعن موجب ايس آئي ايف سي اپيڪس ڪميٽي جي اجلاس ۾ سيرپڪاري جي معاملن تي غور ڪيو ويو ايس آئي ايف سي عملدارن واپارين سميت ٻين اسٽيڪ هولڊرز سان ملاقاتن کان اجلاس کي آگاهه ڪيو اجلاس ۾ سيرپڪاري سميت اهم معاملن تي اهم فيصلا به ڪيا ويا.
اجلاس ۾ خساري وارن ادارن جي نجڪاري جو اشارو ڏنو ويو. نگران حڪومت پاران عالمي معاهدا جاري رکڻ جو اعلان ڪيو ويو. ايس آءِ ايف سي جي اپيڪس ڪميٽي اجلاس ۾ معاشي ترقي لاءِ تجويز ڪيل قدمن جي منظوري ڏني وئي، اجلاس ۾ سيڙپڪاري سميت اهم فيصلا ڪيا ويا. اطلاعات واري نگران وفاقي وزير مرتضيٰ سولنگي ۽ ٻين وفاقي وزيرن وزير پريس ڪانفرنس ڪندي چيو ته ملڪ ۾ کند جو وڏو ذخيرو موجود آهي، کوٽ جو جواز نه ٿو ٺهي، بجلي بلن تي سومر تائين رليف بابت خوشخبري ٻڌائي ويندي.
