تازيون خبرون
مکيه صفحو / سنڌ سماچار / سيشن ڪورٽ سکر ۾ پوليس ڊي ايس پي جي گهرواري ۽ سس کي حراست ۾ وٺي ڇڏيو، پسٽل برآمد

سيشن ڪورٽ سکر ۾ پوليس ڊي ايس پي جي گهرواري ۽ سس کي حراست ۾ وٺي ڇڏيو، پسٽل برآمد

سکر(بيورورپورٽ) سيشن ڪورٽ سکر ۾ پوليس اهلڪارن ڊي ايس پي جي گهرواري ۽ سس کي حراست ۾ وٺي ڇڏيو، قبضي مان پسٽل برآمد ڪيو ويو، عورت صوبيا عباسي جو چوڻ آهي ته ڊي ايس پي مڙس عطا محمد عباسي کان طلاق وٺڻ لاءِ ڪورٽ ۾ درخواست داخل ڪرائڻ تي گهر تي حملو ڪري تشدد ڪيو. ان دوران پسٽل ڪري پيس جيڪو هو عدالت ۾ جمع ڪرائڻ آيس ته حراست ۾ ورتو ويو آهي، سيشن ڪورٽ سکر ۾ سيڪيورٽي اهلڪارن سي ٽي ڊي پوليس جي ڊي ايس پي عطا محمد عباسي جي گهرواري صوبيا عباسي ۽ سس افروز عباسي کي حراست ۾ وٺي لاڪ اپ ڪري ڇڏيو آهي جنهن جي قبضي مان پسٽل هٿ ڪيو ويو آهي عورت صوبيا عباسي جو چوڻ آهي ته ڊي ايس پي مڙس عطا محمد عباسي ناحق تشدد ڪندو هو. ان کان تنگ ٿي هن فيملي ڪورٽ ۾ طلاق لاءِ  درخواست داخل ڪرائي هئي. ان ڪيس ۾ حاضري تي اچڻ کان اڳ ڊي ايس پي عطا محمد عباسي سندس امڙ افروز عباسي جي گهر تي حملو ڪري تشدد ڪيو. ان دوران مڙس عطا محمد عباسي کان پسٽل ڪري پيو هو پسٽل عدالت ۾ جمع ڪرائڻ لاءِ آئي ته اهلڪارن حراست ۾ ورتو آهي، جڏهن ته اهلڪارن جو چوڻ آهي ته ڊي ايس پي جي گهرواري ۽ سس کي عدالت ۾ پسٽل کڻي اچڻ تي حراست ۾ ورتو آهي هوڏانهن ڊي ايس پي سي ٽي ڊي جي گهرواري ۽ سندس سهري مٿس سنگين الزام لڳائيندي چيو آهي ته هُن جي ارادي سان صبح سوير سندن گهر تي حملو ڪيو، جنهن دوران سندس پستول ڪري پيو هو. ناري صوبيا جي وارثن الزام هنيو آهي ته ڊي ايس پي سي ٽي ڊي عطا محمد عباسي صبح سوير گهر تي حملو ڪيو، 5 هٿياربند به ساڻس گڏ هئا، ڊي ايس پي عطا محمد ناري صوبيا طرفان عدالت ۾ خلع لاءِ درخواست داخل ڪرائڻ تي مڇرجي پيو ۽ صبح سوير گهر تي حملو ڪيو. ناري صوبيا ۽ سندس والد غلام رسول جو چوڻ آهي ته حملي دوران ڊي ايس پي سي ٽي ڊي ناري جي ماءُ تي تشدد ڪيو، اُن کانپوءِ صوبيا کي اغوا ڪرڻ جي ڪوشش ڪئي. ناري صوبيا ۽ سندس ڀيڻ جي مزاحمت ڪئي ته هو ساٿين سوڌو فرار ٿي ويو. ناري ۽ سندس والد جو چوڻ آهي ته فرار ٿيڻ کانپوءِ ڊي ايس پي سي ٽي ڊي عطا محمد عباسي جو پستول گهر ۾ ڪري پيو، جيڪو ناري صوبيا ۽ سندس ماءُ عدالت ۾ پيش ڪرڻ وڃي رهيا هئا ته دروازي وٽ پوليس جهڙتي ورتي ۽ پستول هٿ ڪري کين گرفتار ڪري ورتو. ناري ۽ سندس والد جو چوڻ آهي ته ڊي ايس پي سي ٽي ڊي عطا محمد عباسي هڪ سال تائين صوبيا کي تشدد جو نشانو بڻايو هو، ڪجهه عرصو اڳ هُن ياسين شريف به لکي ڏنو ته هاڻ هو ناري کي تشدد جو نشانو نه بڻائيندو، اُن هوندي به هُن پنهنجو ظلم جاري رکيو ۽ ڳالهائڻ تي ناريءَ جي والد تي به وحشياڻو تشدد ڪيو. ناري ۽ سندس والد جو چوڻ آهي ته ڊي ايس پي سي ٽي ڊي لکت ۾ ڏيڻ باوجود تشدد جو سلسلو بند نه ڪيو ۽ اُن کانپوءِ خلع لاءِ درخواست داخل ڪرائڻ تي مڇرجي پيو. ناري ۽ سندس والد الزام هنيو آهي ته ڊي ايس پي سي ٽي ڊي ساٿين سوڌو گڏجي کين قتل ڪرڻ لاءِ حملو ڪيو هو.

ھي به ڏسو

ڀٽ شاهه قومي شاهراهه تي ٽرالر جو ٽريڪٽر کي ٽڪر، هڪ ڄڻو فوت، 2 ڄڻا زخمي

ڀٽ شاهه (ن_خ)ڀٽ شاهه ڀرسان قومي شاهراهه تي ٽرالر جو ٽريڪٽر کي ٽڪر، هڪ ڄڻو …

شهيد سورهيه بادشاهه حق ۽ سچ جي راهه تي هلندي عوام ۽ سنڌ جي بقا لاءِ قرباني ڏني: سيد محمد اسماعيل شاهه راشدي

گمبٽ (ن-م )فنڪشنل مسلم ليگ سنڌ پاران گمبٽ جي هڪ مقامي هوٽل ۾ شهيد سورهيه …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے