سجاول (ڊ ر) آپڪا روينيو سجاول پاران مطالبن جي مڃتا لاءِ ڪم ڇڏ هڙتال ڪري احتجاج ڪيو ويو، ان ڏس ۾ آل پاڪستان ڪلرڪس ايسوسيئيشن روينيو يونٽ ضلعو سجاول ۽ آل روينيو لوئر اسٽاف ايسوسيئيشن ضلعي سجاول پاران گذريل ڏينهن ضلعي سجاول جي سموري روينيو آفيسن ۾ مطالبن جي مڃتا لاءِ ڪم ڇڏ ھڙتال ڪري ڊي سي ڪامپليڪس اڳيان احتجاج ڪيو ويو، ان موقعي تي هنن پنهنجا مطالبا ٻڌائيندي چيو ته اينٽي انڪروچمينٽ سجاول جي انچارج جنھن پنھنجو آرڊر پرسنل سيڪيورٽي آفيسر طور ڪرايو ھو جيڪو ڊي سي ڪامپليڪس ۾ ڪلارڪن ۽ لوئر اسٽاف سان داداگيري غلط لفظ ڳالھائڻ سان گار گند ڪري ٿو ان ڪري سندس اھو آرڊر ڪينسل ڪري ان کي پنھنجي اصلي جڳھه تي موٽايو وڃي ۽ کيس ڊي سي آفيس جي ڪنھن به ڪم ۾ دخل اندازي ڪرڻ کان روڪيو وڃي، هنن چيو ته گريڊ 2 کان 4 تائين جي سڀني ملازمن جو اپگريڊيشن پروموشن ۽ ٽائم اسڪيل وارو فائل مڪمل ھجڻ جي باوجود به صحيح نٿو ڪيو وڃي، جيڪو فائل فوري طور تي صحيح ڪري ملازمن کي پنھنجو حق ڏنو وڃي، هنن چيو ته سموري اسٽاف کان آفيس تائيم ختم ٿيڻ کانپوءِ ڊيوٽي وٺڻ يا سرڪاري موڪلن جي ڏينھن ۾ به ڊيوٽي وٺڻ جي لاءِ اوور ٽائيم الائونس وغيرھ ڏنو وڃي ۽ ان سان گڏ آفيس جي نائيڪس کي وردي الائونس ڏنو وڃي، هنن چيو ته ڊي سي آفيس سجاول سان گڏ سڀني تعلقن جي آفيسن ۾ اسٽاف جي لاءِ ڪا به سھولت موجود ناهي، جنھن ۾ پيئڻ جي لاءِ پاڻي واش روم ۾ پاڻي بجلي يا جنريٽر جي مسئلي کان ويندي آفيس جي ڪم ڪار ھلائڻ جي لاءِ گھربل اسٽيشنري پڻ مھيا نٿي ڪئي وڃي، هنن چيو ته مختيارڪار اسٽيٽ ھيڊ ڪوارٽر جي آفيس ۾ پوسٽ ٿيل واحد ڪلرڪ عبدالڪريم راھمون جي بنا جواز بدلي جي ڪري اسٽيٽ ھيڊ ڪوارٽر آفيس جو سمورو ڪم دربدر آھي تنهن ڪري فوري ان کي هتي واپس مقرر ڪيو وڃي، هنن وڌيڪ چيو ته ڊي سي آفيس سميت سجاول ضلعي جي سڀني تعلقن جون آفيسون اسان پنهنجي جائز مطالبن تحت مڪمل بند ڪري ڇڏيون آهن ۽ جيسيتائين اسان جا جائز مطالبا حل نٿا ڪيا وڃن تيسيتائين اسان جو احتجاج جاري رھندو.7
