حيدرآباد(اسٽاف رپورٽر)حيدرآٓباد جي ٽنڊو يوسف واري علائقي مان پورھيت نوجوان جو گهر مان گولي لڳل لاش ھٿ، اطلاع تي ٽنڊو يوسف پوليس واقعي واري ھنڌ پھچي لاش تحويل ۾ ڪري پوسٽ مارٽم لاءِ سول اسپتال منتقل ڪيو، پوليس موجب فوتي نوجوان جي سڃاڻپ 19 ورھين جي محمد علي پٽ عبدالطيف راجپوت طور ٿي، جيڪو گلشن خير محمد سائيٽ ايريا جو رھواسي ٻڌايو پيو وڃي، علائقي ۾ چوٻول آهن ته نوجوان گھرو اڻبڻت تان پاڻ مٿان فائر ڪري پنهنجي حياتي جو انت آندو آھي، پوليس جو چوڻ ھو ته واقعي جي جاچ ڪئي پئي وڃي، وڌيڪ حقيقتون پوسٽ مارٽم رپورٽ اچڻ بعد خبر پونديون.
