وڏي وزير پاران ڪراچي واٽر بورڊ کي صنعتي مقصدن لاءِ جَرَ جو پاڻي استعمال ڪرڻ لاءِ ميٽر لڳائڻ جو حڪم

ڪراچي (بيورو) سنڌ جي نگران وڏي وزير جسٽس (ر) مقبول باقر ڪراچي جي مختلف سائيٽس جي صنعتڪارن جي اجلاس جي صدارت ڪندي واٽر بورڊ کي هدايت ڪئي آهي ته هو جَرَجي پاڻي ۽ ميٽرن کي ريگيولر ڪري کين ٽيرف اوڳاڙي وڃي. هن چيو ته صنعتن لاءِ مٺي پاني کي جَرَ جي پاڻي سان ملائڻ جي اجازت نه ڏني وئي آهي ڇاڪاڻ جَرَ جي پاڻي جا مختلف چارجز آهن جڏهن ته واٽر بورڊ پاران صنعتڪارن کي فراهم ڪيل مٺي پاڻي جا چارج مختلف آهن ۽ ٻئي اگهه صنعتي آهن. هن صنعتڪارن تي زور ڀريو ته هو پاڻي چوري جي خاتمي لاءِ پنهنجو ڀرپور ڪردار ادا ڪن جڏهن ته واٽر بورڊ پنهنجي صنعتي يونٽن کي پاڻي جي فراهمي کي يقيني بڻائيندو. وڏي وزير چيو ته سندس حڪومت صوبي ۾ ڪاروباري ۽ صنعتي سرگرمين لاءِ سازگار ماحول پيدا ڪرڻ چاهي ٿي جنهن لاءِ ٺوس قدم کنيا پيا وڃن ۽ اهو تڏهن ممڪن ٿيندو جڏهن صنعتڪار انسپيڪشن لاءِ پنهنجو سهڪار وڌائي حڪومت جا هٿ مضبوط ڪندا ۽ وڌيڪ چيو ته سمورن سائيٽن جو بنيادي انفراسٽرڪچر لاڳاپيل ايسوسي ايشنز جي نگراني ۾ تيار ڪيو پيو وڃي. اڱاري ڏينهن وزيراعليٰ هائوس ۾ اجلاس ٿيو جنهن ۾ صوبائي وزير صنعت ۽ روينيو وزير يونس ڍاگا، چيف سيڪريٽري ڊاڪٽر فخر عالم، چيئرمين پي اينڊ ڊي شڪيل منڱڻيجو، وڏي وزير جو سيڪريٽري رحيم شيخ، گهرو سيڪريٽري اقبال ميمڻ، سينيئر ميمبر بورڊ آف روينيو زاهد عباسي، سيڪريٽري ناڻو ڪاظم جتوئي، سيڪريٽري بلديات منظور شيخ، سيڪريٽري صنعت، ايم ڊي واٽر بورڊ، ايم ڊي سنڌ سالڊ ويسٽ مئنيجمينٽ بورڊ، ايڊيشنل آءِ جي ڪراچي خادم رند ۽ ٻين شرڪت ڪئي جڏهن ته صنعتڪارن ۾ زبير موتي والا، ميان زبير، جاويد بلواڻي، سليمان وساڻ چاولا، ڪامران عربيءَ، مجيد عزيز ۽ ٻيا شامل هئا. صنعتڪارن پاڻي جي کوٽ، شاپنگ سينٽرن ۾ باهه لڳڻ جا واقعا، ڄام صادق پل جي خراب صورتحال، اسلاميه ڪاليج ۾ فلائي اوور جي تعمير ۽ صنعتي يونٽن کي پاڻي ۽ قدرتي گئس جي فراهمي جهڙا مسئلا وڏي وزير آڏو اٿاريا. وڏي وزير صنعتڪارن سان هر مسئلي تي ڳالهه ٻولهه ڪئي ۽ لاڳاپيل کاتي جي سيڪريٽري کان کين حل طلب ڪيو. پاڻي جي کوٽ: وڏي وزير پاڻي جي کوٽ بابت ڳالهائيندي چيو ته ڪجهه صنعتي يونٽ واٽر بورڊ جي لائينن مان سڌو سنئون پاڻي چوري ڪري رهيا آهن. هنن چيو ته هي انتهائي سنگين مسئلو آهي تنهنڪري واٽر بورڊ سندن ڪنيڪشن ڪٽي ڇڏيا آهن. ۽ واٽر بورڊ کان مطالبو ڪيو ته درخواست ڏيندڙ صنعتي يونٽن کي پاڻي جو ڪنيڪشن فراهم ڪيو وڃي. ايم ڊي واٽر بورڊ صلاح الدين وڏي وزير کي ٻڌايو ته کين پاڻي جي ڪنيڪشن لاءِ 100 درخواستون مليون آهن ۽ نوان ڪنيڪشن ڏيڻ شروع ڪري ڇڏيا آهن. هن چيو ته سائيٽ کي 10 ايم جي ڊي پاڻي فراهم ڪرڻ سان سائيٽ ڪراچي جي پاڻي جي کوٽ پوري ٿي ويندي. هن چيو ته حب وٽ پاڻي ذخيري کان واليڪا اسپتال تائين واٽر سپلاءِ سسٽم ٺاهڻ جي ضرورت آهي ۽ ان کانپوءِ سائيٽ ايريا ۾ موجود سسٽم کي ڪجهه حد تائين اپ گريڊ ڪيو ويندو. منصوبي تي لڳ ڀڳ 2.4 ارب رپيا لاڳت ايندي. ان تي وڏي وزير ايم ڊي واٽر بورڊ کي اسڪيم جي سمري موڪلڻ جي هدايت ڪئي جڏهن ته هن چيف سيڪريٽري کي هدايت ڪئي ته اها نئين اسڪيم کي اڳتي وڌائڻ لاءِ اليڪشن ڪميشن آف پاڪستان کان اجازت وٺي. صلاح الدين چيو ته صنعتڪارن پاران وڏي انگ ۾ غيرقانوني بور ٺاهيا ويا آهن جن مان 140 واٽر بورڊ رجسٽرڊ ڪيا ويا آهن ۽ باقي بورن جي رجسٽريشن جاري آهي. ان تي وڏي وزير ايم ڊي واٽر کي هدايت ڪئي ته هو جَرَ جي پاڻي جي استعمال کي رڪارڊ ڪرڻ لاءِ ميٽرز لڳائي ۽ مناسب اگهه مقرر ڪري لاڳاپيل صنعتڪارن کان اوڳاڙي شروع ڪري. هن چيو ته واٽر بورڊ جي صنعتي پاڻي جا ريٽ مختلف آهن جڏهن ته انڊر گرائونڊ واٽر جا اگهه جيڪي واٽر بورڊ اوڳاڙي ڪندو اهي مختلف هوندا. فائر فائٽرز: صنعتڪارن فائر فائائيٽنگ سسٽم جو مسئلو اٿاريو، سائيٽ وٽ پنهنجا فائر فائيٽرز آهن ۽ کين 60 گيلن تي مشتمل واٽر ٽينڪ ٺاھيو آھي پر انکي ڀرڻ لاءِ پاڻي ناھي. ان تي وڏي وزير چيو ته فائر برگيڊ سسٽم لاءِ مٺي پاڻي جي ضرورت ناهي، ان لاءِ گندو پاڻي به استعمال ڪري سگهجي ٿو. هن سائٽ اينڊ صنعت کاتي کي صلاح ڏني ته گندي پاڻي جي صفائي لاءِ هڪ ننڍڙي اسڪيم ٺاهي. اجلاس ۾ اهو پڻ فيصلو ڪيو ويو ته هر سائيٽ تي فائر فائٽنگ سسٽم ٺاهيو ويندو. ڪراچي چيمبر جي نمائندن نشاندهي ڪئي ته ايس بي سي اي پاران عائشه منزل تي سڙيل عمارت کي صاف ڪرايو ويو آهي پر تنهن هوندي به ڪاروباري سرگرمين لاءِ بند ڪيو ويو آهي. وڏي وزير مڪاني ادارن واري سيڪريٽري منظور شيخ کي معاملو حل ڪرڻ جي هدايت ڪئي. گيس: صنعتڪارن وڏي وزير کي چيو ته کين آر ايل اين جي نه پر سنڌ صوبي ۾ پيدا ٿيندڙ قدرتي گئس فراهم ڪئي وڃي. ان تي وڏي وزير چيو ته هو وزيراعظم کي خط لکندو ته جيئن سنڌ کي قدرتي گئس ۾ ان جو جائز حصو ڏنو وڃي. مهراڻ هاءِ وي: صنعتڪارن جو چوڻ آهي ته مهراڻ هاءِ وي جي حالت خراب آهي. هن وڏي وزير کان مطالبو ڪيو ته ان جي بحاليءَ جو بندوبست ڪيو وڃي. وڏي وزير چيئرمين پي اينڊ ڊي کي هدايت ڪئي ته هو اسڪيم جو جائزو وٺي ۽ جيڪڏهن اڃا تائين ان تي ڪم نه ٿيو آهي ته ان کي شروع ڪيو وڃي. اسلاميه ڪاليج فلائي اوور: وڏي وزير کي ٻڌايو ويو ته اسلاميه ڪاليج روڊ تي فلائي اوور سست رفتاري سان تعمير ڪيو پيو وڃي. هن وڏي وزير کان مطالبو ڪيو ته انڊر پاس تعمير ڪرايو وڃي ته جيئن ان کي جلد کان جلد مڪمل ڪيو وڃي جنهن سبب وڏو ٽريفڪ جام ٿئي ٿو ۽ اهو مسئلو حل ڪيو وڃي. وڏي وزير چيئرمين پي اينڊ ڊي کي هدايت ڪئي ته مسئلو حل ڪيو وڃي. بنيادي انفرااسٽرڪچر جي ترقي: صنعتڪارن چيو ته سمورن سائيٽن جهڙوڪ ڪراچي، سپر هاءِ وي، نوري آباد ۽ ڪوٽڙيءَ جو انفراسٽرڪچر خراب حالت ۾ آهي. ان تي صنعت واري صوبائي وزير يونس ڍاگا چيو ته هنن لاڳاپيل سائيٽ جي ميمبرن تي مشتمل مانيٽرنگ ڪميٽيون جوڙيون آهن جيڪي انفراسٽرڪچر جي معيار، رفتار ۽ مناسب عملدرآمد جي نگراني ڪنديون. صنعتي علائقن جي خوبصورتي: وڏي وزير صنعتڪارن تي زور ڀريو ته هو پنهنجي صنعتي يونٽن جي علائقن کي سرسبز، پڪا رستا، اسٽريٽ لائيٽن ۽ ويهڻ لاءِ عوامي جڳهن تيار ڪري ترقي وٺرائن. صنعتڪارن، ڪي ايم سي، ٽائونن، ايس اي پي اي ۽ ٻين پاران تنگ نه ڪرڻ تي پنهنجي علائقن کي ترقي وٺرائڻ تي اتفاق ڪيو. وڏي وزير صنعت کاتي کي هدايت ڪئي ته هو بيوٽيفڪيشن پلان تي عملدرآمد لاءِ صنعتڪارن جو خيال رکي. ان کان اڳ صنعت ۽ روينيو واري صوبائي وزير يونس ڍاگا وڏي وزير کي صنعتڪارن جي مسئلن بابت تفصيلي بريفنگ ڏني ۽ کين حل لاءِ کنيل قدمن بابت آگاهه ڪيو.