باڊهه ڀرسان ناري مبينه ڦاهو کائي خودڪشي ڪري ڇڏي
باڊھ (ن م) باڊھ ويجھو پورھيت جي مئٽرڪ پاس نوجوان ڌيءَ ڳچيءَ ۾ رسو وجهي ڦاهي کائي زندگي جو انت آڻي ڇڏيو. گھر ۾ ڪھرام پئجي ويو. باڊھ جي ڳوٺ گابر مسڻ ۾ ڪراچي جي فيڪٽري ۾ پورھيو ڪندڙ پورھيت علي گوھر پليجو جي مئٽرڪ پاس نياڻي 18ورھين جي جنت بي بي عرف سونھن پليجو گھريلو مسئلن تان گھر جي ڪمري اندر ڳچيء ۾ رئو وجھي ڇت ۾ لڳل بجلي جي پکي ۾ پاڻ کي ٽنگي آپگھات ڪري ڇڏيو واقعي سبب گھر ۾ ڪھرام پئجي ويو جڏھن ته واقعي جي اطلاع تي باڊھ پوليس پھچي پورھيت جي نياڻي جو لاش باڊھ رورل ھيلٿ سينٽر ۾ ليڊي ايم ايل او مقرر نه ھجڻ جي ڪري تعلقي اسپتال ڏوڪري آڻي پوسٽ مارٽم ڪرائڻ بعد سندس امڙ ۽ ڏاڏي حوالي ڪيو ھوڏانھن واقعي متعلق نياڻي جي امڙ مسمات اۡميده ۽ ڏاڏي محمد عمر پليجو صحافين کي ٻڌايو ته سندن نياڻي اڱاري ڏينھن صبح سوير گھر جي ڪمري جي ڇت ۾ لڳل بجلي واري پکي ذريعي رئو ڳچيء ۾ وجھي بنا ڪنھن سبب جي ڦاھو کائي خود ڪشي ڪئي آھي ٻئي طرف باڊھ ٿاڻي تي نوجوان ناري جي امڙ ۽ ڏاڏي پاران سندن نياڻي بنا سبب جي پاڻ ڦاھو کائي آپگھات ڪرڻ جي داخلا رکي وئي آھي.