خانپورمهر(ن م)خانپورمهر ويجهو عادلپور ٿاڻي جي حد ڳوٺ اقبال گڏاڻي ۾ 29 سالا نوجوان اربيلو گڏاڻي پاڻ مٿان رائفل جو فائر ڪري مبينا طور آپگهات ڪري ڇڏيو آهي،جڏهن ته اطلاع تي عادلپور پوليس واقعي واري هنڌ پهچي لاش کڻائي گهوٽڪي سول اسپتال پهچايو، جتان پوسٽ مارٽم بعد وارثن لاش وارثن حوالي ڪيو ويو، وارثن موجب نوجوان مختلف بيمارين ۾ مبتلا هو ۽ پريشان رهندو هو جنهن ڪري هن گهر اندر رائفل جو فائر ڪري زندگي جو انت آند، ان سلسلي ۾ عادلپور پوليس ٻڌايو ته نوجوان بيمارين ۽ بيروزگاري کان تنگ اچي خودڪشي ڪئي آهي وڌيڪ جاچ ڪئي پئي وڃي،هوڏانهن فوتي نوجوان جو لاش گهر پهچڻ تي وارثن ۾ ڪهرام مچي ويو…
