نوابشاھ (ن م) نوابشاھ ڀر سان قاضي احمد روڊ تي رينجرز پيٽرول پمپ وٽ موٽرسائيڪل ۽ ڪار جي ٽڪر ۾ نوابشاھ جو سماجي اڳواڻ تاج ڪالوني جو رهواسي گل حسن رستماڻي سخت زخمي ٿي پيو جنهن کي پي ايم يو اسپتال نيو پي ويو ته زخمن جا سٽ نه سهندي رستي تي فوت ٿي ويو جنهن بعد سندس وارثن پُٽ زوهيب رستماڻي جي اڳواڻي ۾ لاش ايمبوليسن ۾ رکي نوابشاھ پريس ڪلب آڏو احتجاجي مظاهرو ڪندي چيو ته پوليس اهلڪارن اُسامہ آرائين ۽ ان جي ڀاءُ اورنگزيب آرائين وارن سان مسئلو هلندڙ هو ۽ مذڪوره پوليس اهلڪار ۽ ان جي ڀاءُ منهنجي والد تي ڪيس ڪرايو ۽ اهو ڪيس هلندڙ هو مذڪوره جوابدار اسان کي موتمار ڌمڪيون ڏيندا رهندا هئا اڄ رينرجرز پيٽرول پمپ وٽ ڪار ۾ سوار اسامہ ۽ اورنگزيب موٽرسائيڪل کي ٽڪر هڻي ڪيرائي منهنجي والد مٿان گاڏي چاڙهي فرار ٿي ويا ۽ منهنجو والد سخت زخمي هئڻ سبب اسپتال پهچڻ کان اڳ فوت ٿي ويو هن چيو ته منهنجي والد کي قتل ڪيو ويو آهي مذڪوره ماڻهن کي گرفتار ڪري اسان سان انصاف ڪيو وڃي.
