ٺل (رپورٽ: فيض سومرو) تعلقي ٺل جي ڪريم بخش کوسو ٿاڻي جي حد ۾ ڪريم بخش کوسو رائيس مل ڀرسان ٽي موٽرسائيڪل سوار لاشاري برادري سان تعلق رکندڙ ٿرڙي مولا داد جي رهواسي محمد عثمان لاشاري کي گوليون هڻي قتل ڪري فرار ٿي ويا، علائقي ۾ چئو ٻول آھن ته نوجوان عثمان کي ڪارنهن تڪرار تان قتل ڪيو ويو آھي، پوليس واقعي واري هنڌ پهچي لاش کي پوسٽ مارٽم لاءِ اسپتال منتقل ڪيو آھي، مقتول جي وارثن کي نوجوان جي قتل جي خبر پوڻ تي گهرڀاتين ۾ قهرام مچي ويو، هوڏانهن حد جي پوليس جاچ شروع ڪري ڏني آھي.7
