موسمياتي تبديليءَ کان متاثر ترقي پذير ملڪ مختلف مسئلن کي منهن ڏئي رهيا آهن:نگران وزيراعظم
يو اي اي(م ڊ)نگران وزيراعظم انوار الحق ڪاڪڙ جو چوڻ آهي ته موسمياتي تبديلين کي منهن ڏيڻ لاءِ ترقي پذير ملڪن جون ضرورتون 100 بلين ڊالرن جي يقينن کان وڌيڪ آهن دبئي ۾ ڪوپ 28 عالمي موسمياتي ڪانفرنس ۾ گلوبل اسٽاڪ ٽيڪ گول ميز ڪانفرنس کي خطاب ڪندي نگران وزيراعظم انوار الحق ڪاڪڙ چيو ته موسمياتي تبديلي سڄي دنيا ۾ هڪ وڏو چئلينج آهي،هن چيو ته موسمياتي تبديليءَ کان متاثر ترقي پذير ملڪ مختلف مسئلن کي منهن ڏئي رهيا آهن، موسمياتي تبديلي پاڻي جي فراهمي، زراعت ۽ انساني صحت کي متاثر ڪري رهي آهي، ترقي پذير ملڪن کي موسمياتي چئلينج کي منهن ڏيڻ لاءِ فنانس، صلاحيت ۽ ٽيڪنالاجي جي ضرورت آهي،نگران وزيراعظم انوار الحق ڪاڪڙ چيو آهي ته موسمياتي چئلينج کي منهن ڏيڻ لاءِ ترقي پذير ملڪن جون ضرورتون 100 ارب ڊالرن جي يقينن کان وڌيڪ آهن، سالياني نقصان جو اندازو 400 ارب ڊالر آهي، گهٽ ۾ گهٽ 6 ٽريلين ڊالر ٿيندو، ملڪن جي ضرورتن کي پورو ڪرڻ لاءِ 2030 تائين ترقي ڪئي ويندي.
