مقصودورند (ن م)سنڌي ادبي سنگت شاخ مقصودورند جي ڪاروباري ڪاميٽيءَ جو اجلاس سيڪريٽري امجد عاجز منگي جي زير صدارت پريس ڪلب مقصودورند جي ميٽنگ هال ۾ ٿيو. اجلاس ۾ سنگت ضلعي سانگهڙ جي اڳوڻي ضلعي رابطا سيڪريٽري ۽ ناليواري اديب سائين عاجز منگي خصوصي مهمان طور شرڪت ڪئي. اجلاس ۾ سموري سنڌ ۾ 3 ڊسمبر تي ٿيندڙ ثقافتي ڏهاڙي جي موقعي تي ثقافتي ۽ سگهڙ ڪچهري ڪوٺائڻ، پريس ڪلب ۾ ڪتابي ميلو منعقد ڪرڻ سميت مختلف فيصلا ڪيا ويا. اجلاس ۾ ڪليم الله انڙ، گلزار علي لاشاري، هادي بخش حيدري، حسين بخش رند ۽ جانب خاصخيلي شرڪت ڪئي.
