سنجهورو( رپورٽ: حافظ هنڱورو)سنڌ حڪومت ۽ ڊپٽي ڪمشنر سانگهڙ جي خاص هدايتن تي اسسٽنٽ ڪشمنر سنجهورو محمد يونس رند تعلقه سنجهوري جي مختلف اسڪولن جا اوچتا دورا ڪري اتي هلندڙ پڙهائي ۽ استادن جي حاضري چيڪ ڪندي اتي اسڪولن ۾ ٿيل صفائي جو پڻ جائزو وٺندي اسڪولن جي مسئلن متعلق پڻ معلومات ورتي. ان موقعي تي ڳالهائيندي اسسٽنٽ ڪمشنر محمد يونس رند استادن تي زور ڀريو ته هو پنهنجي حاضري کي يقيني بنائي ٻارڙن جي تعليم ڏانهن پورو توجه ڏين. ان موقعي تي ٻارڙن جي والدين سان پڻ ملاقات ڪندي پڻ زور ڀريو ته هو پنهنجن معصوم ٻارڙن کي اسڪول ۾ داخل ڪرائي کين پڙهائي سندن مستقبل روشن ڪن. اسسٽنٽ ڪمشنر محمد يونس رند چيو ته ڪوبه ملڪ توڙي قوم تعليم کان سواءِ ترقي نٿي ڪري سگهي ڪنهن به ملڪ توڙي قوم کي تباهه ڪرڻو هجي ته ان کي تعليم کان محروم رکيو وڃي. هن ڳوٺاڻن ۽ استادن کي يقين ڏياريو ته سندن اسڪولن جا بنيادي مسئلا حل ڪرائڻ جي لاءِ ڀرپور ڪوشش ڪري تعليم کاتي جي اعليٰ عملدارن کي سمورن مسئلن کان گاهه ڪيو ويندو. ان موقعي تي اسسٽنٽ ڪشمنر محمد يونس رند اسڪولن ۾ موجود معصوم ٻارڙن کان مختلف سوال ڪري سندن هوشياري تي کين شاباس ڏني.1
