افغانستان پاڙيسري ملڪ هجڻ جو حق ادا نه پيو ڪري، نه ئي دوحا معاهدي جي پاسداري ڪئي پئي وڃي: خواجه آصف

اسلام آباد (م ڊ) بچاءَ واري وزير خواجا آصف چيو آهي ته افغانستان پاڙيسري ملڪ هجڻ جو حق ادا نه پيو ڪري، افغانستان دوحا معاهدي جي پاسداري به نه پيو ڪري. ٽوئيٽر تي جاري ڪيل بيان ۾ خواجا آصف چيو ته پاڪستان ۾ 50 کان 60 لک افغان شهرين کي 40 کان 50 سالن کان حقن سان گڏ پناهه حاصل آهي پر ان جي ابتڙ پاڪستانين جو رت وهائيندڙ دهشتگردن کي افغان سرزمين تي پناهگاهون ملي رهيون آهن. هن چيو ته هاڻ اها صورتحال وڌيڪ جاري نٿي رهي سگهي، پاڪستان پنهنجي سرزمين ۽ شهرين جي تحفظ لاءِ پنهنجي وسيلا استعمال ڪندو.