حيدرآباد(پ ر) سنڌي ادبي سنگت حيدرآباد جي دستوري گڏجاڻي غزل ۽ ڪافي جي سينيئر شاعر جبار تاثير سومري جي صدارت ۾ ٿي گذري، جنھن ۾ سليم چنا وائي،مولابخش محبتي ڪافي،عزيز ٽالپر ۽ شاڪر عزيز سيتائي غزل جا اسم تنقيد لاءِ پيش ڪيا، تاج جويي،نظير ملڪاڻي،گلشير ڪوريجي، لطيف ملاح، راجا انور ۽ راشد پريميء تنقيد ۾ حصو وٺندي چيو ته شاڪر عزيز سيتائي جا غزل، فني بندش، ٻولي ۽ مواد جي لحاظ کان ڀرپور ھئا، جن ۾ سماجي اڻ برابري ۽ سنڌ جي مسئلن جا عڪس چٽيل ھئا، جڏھن ته سليم چنا جي وائيء ۾ سورج جي ڳاڙھي باک جو استعارو ڪربلا جي قضيي سان مناسبت جي خيال سان اھم اھڃاڻ ھو، مولابخش محبتيء جي ڪافي ڏيڍي طرز جي ھئي ۽ ان ۾ اندروني ترنم ۽ قافين جي بيھڪ خوب ھئي، جبار تاثير صدارتي راءِ ڏيندي چيو ته سنڌي ادبي سنگت جون گڏجاڻيون تنقيدي اسڪول آھن، جتي تخليقن جي فني گھاڙيٽي، اھميت، ٻولي جي استعمال ۽ افاديت تي اھم بحث ٿين ٿا ۽ نون ليکڪن جي تربيت ٿئي ٿي، گڏجاڻي ۾ قومي اسيمبلي ۾ ڪراچي ڊويزن لاءِ ڊوميسائيل جو شرط لاڳو نه ڪرڻ ۽ سڃاڻپ ڪارڊ کي ڊوميسائيل سمجھڻ جي بل پيش ڪرڻ جي مذمت ڪئي وئي ۽ ان کي سنڌين کي ٿورائي ۾ بدلائڻ جي سازش قرار ڏنو ويو.
