حيدرآبا(اسٽاف:رپورٽر)سنڌ جو ناليوارو ليکڪ، مترجم ۽ دانشور ولي رام ولڀ بيماري سبب علاج دؤران ڪراچي جي ايس آءِ يوٽي اسپتال ۾ 85 سالن جي ڄمار ۾ ديهانت ڪري ويو. ولي رام ولڀ شوگر دل گڙدن جي بيماري سبب ڪافي ڏينھن کان علاج ڪرائي رھيو ھو. حيدرآباد ۾ سندس طعبيت وڌيڪ خراب ٿيڻ سبب کيس ڪراچي جي اسپتال ۾ علاج لاءِ ھڪ ھفتو اڳ داخل ڪيو ويو ھو جتي سندس علاج جاري ھو ۽ علاج دؤران نامياري اديب ولي رام ولڀ جي ساھ جوسڳو ٽٽي ويو ۽ پاڻ ھميشه لاءِ ھند ۽ سنڌ کي وڇوڙو ڏيندي ھميشه لاءِ وڇڙي ويو. نامياري اديب ولي رام ولڀ جو مڙھ ايمبولينس وسيلي ڪراچي کان حيدرآباد سندس رھائش گاھ تي پھچايو ويو. جتان سندس مڙھ کي اگني سنسڪار لاءِ حيدرآباد جي مدد وليج، ھالا ناڪوآندو ويو. جتي نامياري اديب ولي رام ولڀ جون آخري رسمون ادا ڪندي سندس اگني سنسڪار ڪيو ويو. ولي رام ولڀ سوڳ وارن ۾ پويان ھڪ پٽ ڪمليشور ۽ 2 نياڻيون ڇڏيون آھن. نامياري اديب ليکڪ ولي رام ولڀ جي وڇوڙي تي اديبن ليکڪن شاعرن ڪھاڻيڪارن صحافين سياسي سماجي ادبي حلقن ۾ ڏک واري لھرڇانئجي وئي آھي.1
سيوهڻ (ن م) جي ڊي اي اڳواڻ سيد زين شاھ، سردار عبدالرحيم، ڊاڪٽر صفدر عباسي ۽ ٻيا اڳواڻ سيوهڻ پهچي درگاھ حضرت قلندر لال شهباز تي حاضري ڀري ملڪ ۽ سنڌ جي سلامتي لاءِ دعا گهري، اڳوڻي وڏي وزير سيد مراد علي شاھ جي تڪ جهاز چوڪ تي جي ڊي اي جو تمام وڏو پاور شو ماڻهن جو سمنڊ اٿلي پيو، اڳواڻن جلسي کي خطاب ڪندي چيو ته پاڪستان پيپلز پارٽي 15 سال اقتدر ۾ رهي ماڻهن کي ڦري لٽي ڪنگاھ بڻائي سڄي سنڌ کي تباھ ڪري ڇڏيو آھي ماڻهو پي پي مان بيزار ٿي چڪا آھن هي جلسو ان جو ثبوت آھي مراد علي شاھ جو جلسو به ماڻهن ڏٺو هي به ڏسو هي ماڻهن جي بيزاري جو ثبوت آھي ماڻهن جا گهر ملڪيتون تباھ ٿي چڪيون آھن اڃا ماڻهن کي پهرين قسط 75 هزار ناهي ملي ماڻهو ويچاره دربدر آھن هن مهانگائي جي دور ۾ 3 لک ۾ گهر ٺهي سگهي ٿو، مراد علي شاھ پنهنجي تڪ جي ماڻهن کي مڪمل نظر انداز ڪري ڇڏيو آھي هاڻي سيوهڻ تعلقي جا ماڻهو سجاڳ ٿي چڪا آھن، ماڻهن کي ڪوڙا آرڊر ڏئي انهن جي تذليل ڪئي وئي، سيوهڻ تعلقي ۾ پي پي مختلف ڌڙن ٽڪرن ۾ ورهائجي وئي آھي مراد علي شاھ جو سليم باجاري پوليس هٿان ماڻهو ٻڌرائي زوري وفاداريون بدلرائي ٿو، سڄي سنڌ جا ماڻهو پيپلن کان باغي ٿي چڪا آھن.7
