سعودي عرب ۾ او آءِ سي ۽ عرب ليگ جو گڏيل اجلاس،غزا ۾ جنگ بندي جو مطالبو

رياض (م ڊ) سعودي عرب ۾ او آءِ سي ۽ عرب ليگ جو غير معمولي گڏيل اجلاس ٿيو، جنهن ۾ مملڪتي سربراهن غزه ۾ فوري جنگ بندي جو مطالبو ڪيو،غزه ۾ قتل عام تي عالمي برادري جي لاتعلقي جو اظهار ڪيو. افسوس جو اظهار ڪيو ويو. ذريعن موجب غزه جي صورتحال تي اسلامي تعاون تنظيم (او آءِ سي) ۽ عرب ليگ جو گڏيل هنگامي اجلاس سعودي عرب جي راڄڌاني رياض ۾ ٿيو، اجلاس ۾ غزه ۾ فوري جنگ بندي جو مطالبو ڪيو ويو. اجلاس ۾ سعودي ولي عهد محمد بن سلمان، ايراني صدر ابراهيم رئيسي، فلسطيني صدر محمود عباس، قطر جي امير ۽ ٻين ملڪن جي سربراهن سميت نگران وزيراعظم انوارالحق ڪاڪڙ به شرڪت ڪئي. ان کان اڳ وزيراعظم انوار الحق ڪاڪڙ رياض ۾ فلسطيني صدر محمود عباس سان ملاقات ڪئي. ان موقعي تي هن فلسطيني عوام جي پاڪستان جي غير متزلزل حمايت جو اظهار ڪيو ايراني صدر ابراهيم رئيسي چيو آهي ته اسرائيل غزه تي ست ايٽم بمن جي برابر بمباري ڪئي آهي. اجلاس ۾ ايران جو صدر ابراهيم رئيسي به شرڪت ڪري رهيو آهي. مارچ ۾ ٻنهي ملڪن وچ ۾ لاڳاپن جي بحالي تي اتفاق ٿيڻ کان پوءِ ايراني صدر جو سعودي عرب جو هي پهريون دورو آهي. ان موقعي تي ابراهيم رئيسي به روايتي فلسطيني اسڪارف، قافيه پهريل آهي. پنهنجي خطاب ۾ ايراني صدر ابراهيم رئيسي چيو ته اسان کي غزه مسئلي جو حل ڳولڻو پوندو، فلسطين امت مسلمه جو فخر آهي، اسرائيل غزه تي بمباري ڪري نئين نسل کي قتل ڪري رهيو آهي، اتي ظلم عالمي قانونن جو مذاق آهي. ڌماڪا ٿي رهي آهي، اسرائيلي جارحيت سبب 11 هزار کان وڌيڪ شهري شهيد ٿي چڪا آهن، غزه کي دنيا جو سڀ کان وڏو جيل بڻايو ويو آهي، ٻي طرف نگران وزيراعظم انوار الحق ڪاڪڙ غزا جي صورتحال تي سعودي عرب ۾ او آءِ سي ۽ عرب ليگ جي غير معمولي گڏيل اجلاس سان خطاب ڪندي چيو آهي ته ڌار فلسطيني رياست ئي مسئلي جو اڪيلو حل آهي، غزا ۾ قتل عام روڪرائڻ جي ذميواري سلامتي ڪائونسل تي لاڳو ٿئي ٿئي، پهنجي خطاب ۾ انوار الحق ڪاڪڙ چيو ته 70 سال اڳ گڏيل قومن ٺهراءَ ذريعي فلسطين مسئلي جي حل جو فيصلو ڪيو، غزا ۾ فلسطينين جو قتل عام روڪيو وڃي، ناانصافي ۽ معصوم شهرين جي قتل عام سان تڪرار وڌندو، هن چيو ته اسرائيلي بمباري سان اسپتالون، اسڪول، يو اين آفيسون به محفوظ ناهن، غزا ۾ اسرائيلي ظلمن جي ڀرپور مذمت ڪيان ٿو، پاڪستان 1967 جي سرحدن موجب فلسطين رياست جي قيام جو حامي آهي، سندس چوڻ هو ته غزا ۾ فوري طور انساني همدردي تحت امداد جي فراهمي يقيني بڻائي وڃي، عالمي برادري اسرائيل جي جنگي ڏوهن تي ان جو گهيرو تنگ ڪري.