جاپاني سيڙپڪار پاڪستان ۾ سيڙپڪاري ڪن، ڀرپور تحفظ فراهم ڪيو ويندو:بلاول ڀٽو زرداري
ٽوڪيو (م ڊ)پرڏيهي وزير بلاول ڀٽو زرداري طرفان جاپاني سيڙپڪارن کي پاڪستان ۾ سيڙپڪاري جي دعوت ڏيندي چيو آهي ته جاپاني سيڙپڪار پاڪستان ۾ سيڙپڪاري ڪن، ڀرپور تحفظ فراهم ڪيو ويندو، ٽوڪيو ۾ پاڪستاني ڪميونٽي کي خطاب ڪندي پرڏيهي وزير بلاول ڀٽو زرادري چيو ته سمنڊ پار پاڪستاني ملڪ جو قميتي اثاثو ۽ ملڪ جا سفير آهن، هن چيو ته سمنڊ پار پاڪستاني ٻطرفن لاڳاپن کي هٿي ڏيڻ لاءِ ڪردار ادا ڪن، هو چاهن ٿا ته جاپان ۾ رهندڙ پاڪستاني برادريءَ جا مسئلا حل ٿين، پرڏيهي وزير چيو ته پاڪستان جي آءِ ٽي سيڪٽر ۾ وڏي صلاحيت آهي، نوجوانن کي هنرمند ۽ باصلاحيت بڻائڻ لاءِ قدم کنيا پيا وڃن، هو چاهن ته پاڪستان ۽ جاپان ۾ زراعت جي شعبي ۾ ايڪسپورٽ وڌي، پ پ چيئرمين چيو ته جاپاني سيڙپڪار پاڪستان ۾ سيڙپڪاري ڪن، ڀرپور تحفظ فراهم ڪيو ويندو، آءِ ٽي سميت ٻين شعبن ۾ سيڙپڪاري جا وسيع موقعا موجود آهن، هن چيو ته پاڪستان جي 65 سيڪڙو آبادي نوجوانن تي ٻڌل آهي، ملڪ جي نوجوانن کي روزگار جا موقعا ملڻ گهرجن.