گهوٽڪي (ڊ ر/ ڪرائيم رپورٽر) گهوٽڪي ضلعي جي شهر حيات پتافي ويجهو مسو واهه ۾ ٻڏي فوت ٿي ويل نينگر جو لاش هٿ ڪرڻ لاءِ ڊپٽي ڪمشنر جي هدايت تي اسسٽنٽ ڪمشنر ميرپور ماٿيلو پاڪ نيوي کان مدد طلب ڪري ورتي. تفصيل موجب حيات پتافي ويجهو مسو واه ۾ ٻڏي فوت ٿي ويل 14 سالا نينگر شفيق ٿهيم جو لاش ڳولڻ لاءِ ڊپٽي ڪمشنر گهوٽڪي محمد عثمان عبدﷲ جي هدايت تي اسسٽنٽ ڪمشنر ميرپور ماٿيلو محمد احمر نيول ريڪروٽمنٽ سينٽر سکر جي انچارج کي خط لکي مدد طلب ڪري ورتي آهي. ان سلسلي ۾ ڊپٽي ڪمشنر جو چوڻ آهي ته معصوم نينگر جي فوت ٿيڻ تي ڏک پهتو، واقعو افسوسناڪ آهي.
